Монголын Барилгын Инженерүүдийн Холбоо нь 2008 оны ээлжит уулзалтынхаа хүрээнд Тайваний Барилгын Инженерүүдийн Холбоотой хамтран “Бетоны технологи” сэдэвт олон улсын практик семинар, “Барилгын салбар дахь ил тод байдал” сэдэвт олон улсын дугуй ширээний ярилцлагыг тус тус зохион байгуулах гэж байна. Семинар 2006.06.20-ны өдрийн Баасан гаригийн 09.00 цагаас Монгол-Японы төвийн хурлын зааланд болно. Семинараар Тайваний Шинжлэх Ухаан Технологийн Үндэсний Их сургуулийн Барилгын Инженерийн салбарын профессор, ТБИХ-ны Барилгын хог хаягдлыг дахин боловсруулах ба дахин ашиглах хорооны дарга Проф.Чао Лун Ван, Синотех Инженерийн Зөвлөх компанийн дэд ерөнхийлөгч Проф. Тонг По Лав, Тайваний Үндэсний Их Сургуулийн Барилгын инженерийн салбарын профессор, ТБИХ-ны Бетоны Инженерийн хорооны дарга Проф. Ших Жин Ван, Проф. Вен –Чэн Жау нар “Тайвань дахь бетоны хэрэглээ”, “Тайвань дахь барилгын температурын хагарлыг хянах аргууд”, “Төмөр бетоны ажлын үед гарч байгаа алдаа, түүнийг засах”, “Бетон түүнд хэрэглэгдэх материалын стандарт,чанар Бетоны хольц бэлдэх үйлдвэрийн чанарын хяналт”, “Үл эвдэх сорилт”, “Өөрөө нягтрах бетон” зэрэг сэдвүүдээр илтгэл тавьж хэлэлцүүлнэ.
Нийт инженерүүдийг өргөнөөр оролцохыг уриалж байна!
Бүртгэл: 2006.6.9 – 16- ны өдрийг дуустал МБИХ-ны байранд явагдана.
Хураамж: Гишүүн – 10000 төг, Гишүүн бус – 20000 төг
Оролцогчдод англи, монгол хэл дээрх илтгэлүүдийн эмхэтгэлийг өгнө.
